趁住中秋假期同家人上深圳行下街，

順便食下正宗串燒。

上深圳點解係係串燒而唔係海底撈？

如果你唔知木屋燒烤係乜餐廳，真係太outdated 啦~

木屋燒烤係深圳有名的燒烤連鎖店，環境乾淨坐得舒服，

人均消費不高，可以話係性價比高的燒烤店。

個個都話返大陸食串燒唔知會唔會食到「老鼠肉」，

我對呢間木屋燒烤比較有信心，因為木屋燒烤係大型連鎖燒烤店，主張「食材好是良心」，就算食到肚痛都可以返去投訴。

*木屋燒烤於2003年在深圳創立，主打燒烤、串燒美食，

在上海、北京、廣州、天津、深圳等地現有超過70間分店。

燒烤店餐廳環境舒適，乾淨企理，

算是眾燒烤餐廳中的「名牌」。

餐牌

餐牌是用全彩色，並附上食物相片，

就算唔識睇簡體字都可以點餐。

選好食物，就可以寫係點菜單上。

只需要寫上食物代號，和數量就可以交給店員下單。

金檸果茶 RMB¥26/扎

因為我地都唔飲酒，所以叫左一扎金檸果茶。

金檸果茶味道酸酸甜甜，令人好開胃

必食！烤湛江生蠔 RMB¥24/4隻

湛江生蠔喺呢度嘅主打菜式，

生蠔每日新鮮運到，

餐廳為了每日清貨，所以宵夜時段會有折扣優惠。

烤海蝦 RMB¥36/10串

烤海蝦嘅味道同日式放題嘅蝦串差不多，

唔錯唔錯。

烤元貝 RMB¥68／8隻

必食！全瘦羔羊肉串 RMB¥38/10串

全瘦羔羊肉串比較健康，好香羊肉味。

必食！烤羊排串 RMB¥20/4串

烤羊排串比較香羊脂味，

怕肥既我都抵擋唔到羊脂既誘惑！

烤雞腎串 RMB¥20/10串

麻辣涮肚 RMB¥29/1份

麻辣涮肚跟麻辣燙差不多，

川味十足。

烤韭菜 RMB¥2.5/串

蜜制小饅頭 RMB¥2.5/串

燒到外脆內軟，饅頭表面塗滿蜂蜜，好好味。

一人一個啱啱好～

炒米粉 RMB¥12/碟

呢度嘅炒米粉真係唔錯，

睇佢賣相以為好難食，

其實夠鑊氣之餘，調味剛剛好。

平時上深圳玩真係要試下呢間木屋燒烤，

質素不會比香港差。

我地五個撐爆肚都平香港一半，總共是RMB 360，

人均不用港幣 $100。

都係果句，各人口味、體質不同。我食完完全無肚痛，

不過燒烤串燒都係比較重口味，食完之後都不停飲水。

*餐廳資料取自Wiki