想去台灣夜市掃街？但又無假飛走？

一於趁住星期六、日去一連六日

 西貢天后廟百週年慶典感受一下「台灣夜市」氣氛。

呢度有近20個美食攤檔，

Miki率先係第一日嚟到廟會睇下邊樣好食。

超推介大家食原隻章魚小丸子、

柚子蜜雞翼包飯、芋圓豆腐花、台式蝶豆花蘭香子。

必食：章魚小丸子 $40/3粒

呢個章魚小丸子最大特色係每一粒都係用原隻章魚製，平時食開既小丸子係好少章魚好多粉，呢度既章魚小丸子係用新鮮原隻既章魚，超正！

必食：柚子蜜雞翼包飯 $40

全個場最好食應該係呢款雞翼包飯，隻雞翼預先調過味，而雞翼外皮燒得又香又脆入面包住粒粒分明勁煙韌既糯米飯。不過40蚊一隻，都幾貴下。

必食：芋圓豆腐花 $20

豆腐花暖暖地又滑又香加埋煙韌既既芋圓食口感一流。

必飲：台式蘭香子特飲

蘭香子特飲係香港好少飲到，

果汁酸酸甜甜加埋一粒粒既蘭香子真係好正，掃街一定要飲一杯。