在藝術館中下午茶丨西環Lex Coffee

最近多了時間去欣賞香港的Cafe

前幾天去了位於堅尼地城的Lex Coffee

令人有種置身於藝術館嘅感覺。

枱與枱之間好闊落,坐得好舒服。

店主將不少藝術品收藏都放到店內,

可以一邊食嘢一邊欣賞藝術品。

餐廳主打輕食、甜品類,當然也有主菜。

午餐時段會有lunch set,價錢更抵。

另外,三點開始會有Afternoon Tea。

差唔多三點去到,有得嗌lunch set同Afternoon Tea Set,

所以兩樣都試晒。

原隻波士頓龍蝦扁意粉

賣相一流,靚到唔想破壞佢,

龍蝦爽口彈牙,火候控制得好好,

而意粉個汁令人好開胃。

 Afternoon Tea Set 主題  Art To Life 

$368/2位(包兩杯Artsy Print 咖啡)

打卡必備 打印咖啡

每一件鹹點同甜點都好精緻,

尤其是鹹點好好食,甜點又唔會太甜,

對女生來說份量剛剛好。

唯一缺點係得星期一至五先有Afternoon Tea Set。

LEX COFFEE地址:香港堅尼地城卑路乍街 100 號地舖(MTR 堅尼地城站 A 出口,向海邊步行 100 米)
#香港 #LEXCOFFEE #藝術館 #AfternoonTea#西環  #香港餐廳  #閨蜜打卡 
 ———————————————————-歡迎邀稿/合作試用/出席活動: To Connect On:♥ Email: miki.suet@gmail.comMore Reviews on:♥Beauty Exchange/ ♥ Beauty blog/ ♥ BlogspotShe.com/ ♥itrial/ ♥shewinQooza Beauty/ ♥elle.blog/ ♥theztyleweibo/ ♥Fanpiece/ ♥Weshare♥ / ♥ ESD Life/ ♥ pixnet Facebook/ ♥ Instagram

〖香港餐廳〗2小時任食大閘蟹放題|利寶閣

入秋就好想食蟹!

利寶閣推出大閘蟹放題

 由10月7日至12月6日提供由日本直送嘅大閘蟹,

大閘蟹放題+片皮鴨任食+每人一客鮑魚花菇及

響螺花膠燉湯,甜品糖水都係任食。

大閘蟹要寫紙落單,

片皮鴨、甜品糖水同糯米飯自己出去自取。

平時食大閘蟹通常都係清蒸,

呢度就有凍食、清蒸、花雕蒸、鹽油焗四種煮法。

落單後即時送上每人一客鮑魚花菇及響螺花膠燉湯。

響螺花膠燉湯好足料,味道不錯。

鮑魚燜得好入味,花菇味道不過不失。

目測每隻三到四両,蟹膏甘香,蟹肉鮮甜,

食多幾隻都會回本。

大閘蟹的蟹心極度寒涼,食前先把蟹身上呈六角星的蟹心除掉。

個人比較推薦清蒸,可以食到原汁原味的大閘蟹。

有專人切片皮鴨,食幾多拎幾多。

另外,仲有甜品糖水自取。

而家做緊網上預訂優惠,早2日經網上訂位,可額外享每位減$40優惠,最平$428就食到,詳情可以上佢哋網站睇。

Facebook專頁:Star of Canton 利寶閣

網址:starofcanton.com.hk/

地址:

利寶閣 (觀塘)

觀塘開源道79號鱷魚恤中心9樓

利寶閣 (尖沙咀)

尖沙咀彌敦道100號The ONE 17樓

利寶閣 (大角咀)

大角咀海庭道18號奧海城二期商場UG01號舖

利寶閣 (銅鑼灣)

銅鑼灣波斯富街99號利舞臺廣場21字樓

供應日期:即日起至12月6日

供應時段:星期一至日及公眾假期(晚巿6pm-10pm任選2小時)

價錢:$468/ 每位 (2位起)

網上預訂優惠價:$428/ 每位,必須兩日前預訂

備註:

  1. 每位加一服務費 成人、長者、小童 $46.8
  2. 茶水每位 $17.6

 ———————————————————-歡迎邀稿/合作試用/出席活動: To Connect On:♥ Email: miki.suet@gmail.comMore Reviews on:♥Beauty Exchange/ ♥ Beauty blog/ ♥ BlogspotShe.com/ ♥itrial/ ♥shewinQooza Beauty/ ♥elle.blog/ ♥theztyleweibo/ ♥Fanpiece/ ♥Weshare♥ / ♥ ESD Life/ ♥ pixnet Facebook/ ♥ Instagram

猶如置身歐洲秘境|望住大館嘆下午茶|Babacio Hong Kong

最近呢2年都習慣旅行先搵餐廳打卡影相,

好耐都無同閨蜜係香港一齊去影下相。

Babacio 係大館對面,5樓平台直望大館歐式建築。

配上歐式藤椅同綠色植物仲有檸檬樹,

成個環境勁Chill,真係好似去左旅行渡假。

除咗個景靚,呢度野食都唔錯。

Babacio 主打手工Pizza用火山石磚爐焗即叫即製,好有水準。

Weekday Set Lunch(HKD168/PP)

午市套餐包括:

前菜沙律一份+pizza一個+一杯飲品

前菜沙律

Piccante Pizza

Tomato, Mozzarelle di Bufala Campana DOP, Spicy Salami

Tuna Pizza

Tomato, Mozzarelle di Bufala Campana DOP, Tonno e eipolla

Ice Coffee

去到記得request 要坐outdoor靠窗邊/要book位先影到靚相,

個景影出嚟仲靚過大館入面既餐廳。

5/F Carfield Commercial Building, 77 Wyndham Street, Central, Hong Kong

#香港餐廳 #中環餐廳 #hkfoodies #閨蜜打卡

#大館 #中環 #香港 #Homekong #Babacio 

 ———————————————————-

歡迎邀稿/合作試用/出席活動: 

To Connect On:

♥ Email: miki.suet@gmail.com

More Reviews on:

She.com/ ♥itrial/ ♥shewin

weibo/ ♥Fanpiece/ ♥Weshare

♥ / ♥ ESD Life/ ♥ pixnet

 Facebook/ ♥ Instagram

放題價錢食到高質自助餐丨香港諾富特世紀酒店

同老公好耐無拍拖食好野,所以返到香港食返個自助餐輕鬆下先。

最近係Facebook見到「讚好」Novotel Century Hong Kong Facebook專頁成為粉絲,

就有55折優惠真係勁抵,所以我哋都book咗位去試吓。

香港諾富特世紀酒店位於灣仔地鐵站附近,

行路過去唔使5分鐘,真係方便。

餐廳環境闊落舒適,預先訂位唔駛搭枱,

枱與枱之間距離適中,唔會聽到隔離枱傾計咁尷尬。

即開美國生蠔

最正係有即開美國生蠔,蠔身形狀比較扁長,

蠔肉係中等飽滿,入口有海水鮮味。

冰鎮海鮮

大家可以主攻冰鎮海鮮,

有松葉蟹腳、凍蝦、青口、翡翠螺等,

特別推薦凍蝦同松葉蟹腳。

凍蝦大大隻肉質鮮甜,而松葉蟹腳帶點微微咸既海水味,

唔會有霉既口感,肉質鮮味。

除咗有海鮮生蠔之外,

仲有幾十款熱食,真係花多眼亂!

手工窯烤pizza

手工窯烤pizza真係唔錯,

有啲似佢之前喺澳洲小店食嘅手工Pizza,推薦!

日式串燒

另外,仲有日式串燒,

傅即場燒到熱辣辣仲可以自己調味。

精緻甜品

最少有10幾款精緻甜品可以揀,

老公係甜點控食得好開心。

除咗有一系精緻甜品之外,仲有MÕVENPICK 雪糕,

食多幾個肯定回到本。

其實三百蚊左右食到呢個質素真係好過食放題,

如果冇時間去旅行不如幫襯下香港酒店~

#NovotelCenturyHongKong #自助餐 #生蠔任食 

#中西美食 #細味東瀛 #爐端燒 

#刺身 #壽司 #西京燒 #甜品

我的搵食日記

Follow我的OpenRice 吧!

——————————————————————————————

歡迎邀稿/合作試用/出席活動: 

To Connect On:

More Reviews on:

She.com/ ♥itrial/ ♥shewin/Girlab

weibo/ ♥Fanpiece/ ♥Weshare

 Facebook/ ♥ Instagram

適合一家大細的自助餐|LIS Café|龍蝦海鮮盛宴自助晚餐

新年新開始,今年團年飯決定同屋企人食自助餐慶祝。

今次主題係龍蝦海鮮盛宴,啱晒一班鍾意食海鮮嘅親戚。

自助菜式包括各式頭盤、沙律、熱葷、芝士拼盤、

精選冰鎮海鮮、手握壽司及時令刺身

成人每位$438, 小童或長者 $238,

提早定位仲有折扣,計返條數同喺出邊酒樓食飯差唔多,

人多更可坐房仔,啱晒一家大細食團年飯。

我地六點半嚟到,環境舒服位置闊落,坐得舒服。

精選冰鎮海鮮

每次食自助餐我都會由精選冰鎮海鮮開始,

呢度既冰鎮海鮮有長腳蟹、青口、凍蝦等,

refill速度很快,次次出去都拎到海鮮,

唔會出現搶食情況。

我最推薦係長腳蟹同凍蝦。

長腳蟹的味道新鮮,有少少海水味,唔會死咸。

凍蝦夠大隻好鮮甜。

時令刺身

時令刺身有三文魚、吞拿魚、希靈魚、紅鯛魚等,

質素比日式放題好,唔會有雪味。

即叫即煮牛扒

牛扒是廚師即叫即煎的,

牛扒煎得剛好配上洋蔥汁味道一流。

迷你紅燒鮑魚花膠煲

估唔到自助餐都有賀年小菜,

呢個迷你紅燒鮑魚花膠煲連屋企既老人家都好滿意,酒樓無太大分別。

估唔到鮑魚有咁大隻,而且炆得好淋好入味。

三色焗生蠔

平時係出邊食焗蠔,隻蠔焗完都縮晒水好細粒,

呢度既焗蠔完依然大大粒,仲好juicy值得一試。

迷你刺身丼飯

呢個迷你刺身丼飯有驚喜,

刺身有帶子、鮮蝦、鮑魚,樣樣都好新鮮,

而個飯得一啖仔唔會飽肚,大家一定要試!

還有不能盡錄的美食,個人特別推薦沙律吧,

有各式各樣的沙律菜。





甜品



甜品選擇都算多,

甜品都放喺雪櫃入邊睇中邊款可以叫服務員拎,感覺比一般酒店更衛生,

個人特別推介cheese cake,芝士味濃烈!

連Häagen-Dazs雪糕都是仼食的,

服務生的收碟速度快,而且態度很好,值得一讚。

每次都有兩種不同口味選擇,每天口味都不同。

老實講,平時出去食高質小小嘅放題都要三百至四百蚊,

環境仲無酒店咁好,今餐團年飯平均每人四百蚊左右真係好抵!




LIS Café

地址:香港仔黃竹坑道55號如心南灣海景酒店P3樓

 (電話: 39688833 , 67934223 (Whatsapp))

我的搵食日記💕

Follow我的OpenRice 吧!

——————————————————————————————

歡迎邀稿/合作試用/出席活動: 

To Connect On:

More Reviews on:

She.com/ ♥itrial/ ♥shewin/Girlab

weibo/ ♥Fanpiece/ ♥Weshare

 Facebook/ ♥ Instagram