超浪漫兩日一夜|去香港離島度假|愉景灣酒店全海景豪華客房



和老公結婚2週年了,他預先安排了兩天一夜的小旅行,

遠離市區到香港離島——愉景灣休閒一下。

愉景灣酒店交通:

往返欣澳港鐵站的酒店巴士(15分鐘)

中環乘坐客輪前往愉景灣(25分鐘)

機場二號客運大樓28號停車位乘坐愉景灣巴士。

愉景灣酒店的官網有詳細介紹交通, 

我們選擇在欣澳站坐shuttle bus~當天是平日,但check in也要二十到三十分鐘左右。


 我們這次入住的房間是全海景豪華客房,180度全落地玻璃,

海景真的太震撼了,看著無敵海景放空一天,超療癒!

最近香港的酒店實在太便宜了,以前住這個房型要HK$2800+,

現在staycation 套票只要HK$2000(包了自助早餐和自助晚餐)。

浴室也是看著大海的,

一邊浸浴一邊看外邊海景,實在太浪漫了。

令人有驚喜的是酒店的浴缸很大,像日本風呂一樣,

而且水壓和水溫都非常夠力,

 唯獨是酒店有點歷史,大家要帶清潔用品自行清洗浴缸。

洗髮水和沐浴露是用Elemis的,質素很好,

長頭髮的女士不用擔心。

酒店還有其他房型,但不推薦山景房,普通海景套房也不錯。

如果有預算的一定要住我們這個全海景豪華客房。

自助早餐


 自助早餐是在地下的餐廳食,可先同前台預約好時間。


自助早餐選擇種類不多,但是中西式都有,味道還可以。(當天早上忘記拍攝)
 食完早餐把握時間去教堂影相,早上完全冇人~


 第二天12點check out後可以到附近廣場行下,或者可以到泳灘游水。


這裏的建築物很歐陸式,隨便拍拍也像去了旅行一樣。

我們Book房的時候寫了慶祝結婚週年紀念,所以酒店準備了一個小小的下午茶給我們,有一個小蛋糕和兩杯飲品。


餐廳的職員很貼心,送上蛋糕和飲品後立即幫忙拍照,感覺真的不像在香港旅行,服務也太好了~吃完下午茶便坐酒店的shuttle bus去欣澳港鐵站回家。


 我對老公自製的兩日一夜離島旅行十分滿意~ 這次staycation 套票只要HK$2000(包了自助早餐和自助晚餐),性價比高!愉景灣酒店算不上豪華但環境很舒服,雖然酒店有點歷史,但是房間和酒店都非常乾淨,員工的服務態度也很好,值得推薦給大家!

由於文章太長了,下一篇在介紹當晚的半自助晚餐,

謝謝大家收看~

香港旅遊|香港酒店|香港網紅酒店

香港度假丨愉景灣酒店 

6折人均300丨任食Movenpick 雪糕+即開生蠔+香煎鴨肝+和牛鴨肝漢堡丨香港諾富特世紀酒店Le Cafe自助晚餐

最近香港好多酒店同餐廳都有優惠,

同老公好耐冇出去食個自助餐,見呢間酒店咁抵之前食過都唔錯,

所以就預先book咗呢間當慶祝周年紀念。

我哋食6:30果場,提早15分鐘入座,去到嗰時已經坐滿左窗口位,

可能因為全單六折關係,平日都幾多人食自助餐。

本來食自助餐都幾擔心衛生問題,

去到侍應話出去攞嘢食要帶口罩返到埋位先可以除低,

即刻食得安心左。

一如既往,一開始食冷盤同海鮮~

冷盤

冰鎮海鮮有松葉蟹腳、凍蝦、青口同翡翠螺,

特別推介蟹腳。

refill速度很快,次次出去都拎到海鮮,唔會出現搶食情況。

每張枱都有食蟹工具,方便食蟹腳,蟹腳質素算係中上,

大部份都好鮮甜,偶然有一兩隻小小咸。

淨係食冰鎮海鮮都食咗2、3 round,

味道中上,海鮮新鮮唔會有霉味。

仲有即叫即開生蠔。

生蠔同刺身都係要排隊拎,長期都有人排隊,

refill速度算好快,基本上唔使2分鐘就拎到。

 我哋一共食咗十幾隻生蠔

生蠔新鮮好肉飽滿鮮甜,有海水味。

事後返到屋企都冇肚屙鮮程度ok

刺身方面,有魷魚、三文魚等,

重點推薦刺身蝦,大大條超級鮮甜。

和牛鴨肝漢堡、香煎鴨肝

有師傅即煎鴨肝,拎到返埋位仲係熱辣辣,

入口即溶。

熟食區:

熟食款式都算多,仲有湯飲。

熟食區仲有即叫即製海鮮冬陰功~

手工窯烤pizza

當日好多一家大細嚟食,唔少人都選擇食熟食。

我哋好少食熟食,味道正正常常, 冇大驚喜。

甜品區:

法式蘋果批

甜品方面除咗有各式各樣嘅蛋糕甜品外,

特別推薦法式焦糖燉蛋,蛋味超濃郁,

仲有任食Mövenpick 雪糕,食多幾杯都返本。

呢間酒店自助餐折左之後人均三百頭,

有任食即開生蠔、即煎鴨肝、蟹腳同任食Mövenpick 雪糕等,

而且服務不錯,性價比高。

香港諾富特世紀酒店 

Le Cafe自助晚餐

我的搵食日記

Follow我的OpenRice 吧!


#任食Mövenpick 雪糕 #即開生蠔 #香煎鴨肝 #和牛鴨肝漢堡

#LeCafe自助晚餐 #香港好去處 #香港自助餐 #香港酒店 

#香港諾富特世紀酒店 #NovotelCenturyHongKong #自助餐 

——————————————————————————————

歡迎邀稿/合作試用/出席活動: 

To Connect On:

More Reviews on:

She.com/ ♥itrial/ ♥shewin/Girlab

weibo/ ♥Fanpiece/ ♥Weshare

 Facebook/ ♥ Instagram