同男朋友係大圍踏完單車，

去到附近屋邨餐廳搵食，

男朋友帶路之下去到Cafe1950。

原來呢間餐廳係連鎖店，

偏佈屯門、大圍、馬𩣑山等地。

餐廳的環境舒適，空間感很大。

一入門口，見到有個玩具部，原來客人可以隨便拎Card game、飛行棋等玩具回到座位邊食邊玩。

餐牌上既菜式包羅萬有，上至西餐、意大利飯、下至石頭鍋飯都有得食，令有選擇困難症既我更迷惘。

幸好男朋友係有主見既人，今餐就比佢落order啦！

珍寶蠔 $39/1

我地每人叫左一隻珍寶蠔食!

珍寶蠔好新鮮，蠔身肥大肉厚。美國蠔雖然比不上法國蠔，蠔味較淡，但肉身肥厚啖啖肉，確是滋味。

男朋友是飯桶，所以佢叫左餐牌寫住推介既石頭鍋飯。

黑豚腩肉溫泉蛋石頭鍋飯 $78

石頭鍋飯上到枱，我地聽到「滋滋」聲，無論在賣相還是聽覺上都有很高評價！薄切的黑豚腩肉十分爽口。整體上近乎完美，唯獨欠一點醬汁撈飯。

椒鹽魷魚鬚（$32)

呢個小食真係必叫，一來炸粉好薄，二來真係炸到外皮脆卜卜，係面頭灑上椒鹽真係令人食到停唔到口！

美國肉眼扒配薯菜 $138

我呢個食肉獸就叫左西冷牛排鐵板餐，配薯菜。醬汁揀左黑椒汁，牛排五成熟。

比個小貼士比大家，如果大家平時食開七成熟既牛排，就要叫五成，因為鐵板既熱力會再加熱，如果你叫七成熟就會等於全熟，肉質肯定冇咁嫩滑。

牛排味道可以接受，一分錢 一分貨嘛～

總括而言，今餐食得好滿意！

餐廳在環境、食物質素還是服務上都做得好好！而且，餐廳更提供Card game 比客人玩，唔怕客人霸住張枱唔會趕客人走，好似呢間餐廳甘好，真係買少先少！